Возачот на Ферари, Шарл Леклер, по трката во Монца изјави дека му е жал што бил вмешан во инцидент со тимскиот колега Луис Хамилтон на стартот и дека неговото повлекување се должи на чудното однесување на автомобилот.
Леклер доживеа сериозна несреќа на воведната етапа од Големата награда на Италија, која ја освои возачот на Мерцедес, Андреа Кими Антонели.
Возачот од Монако имаше дуел со Хамилтон на самиот старт – откако Ферарито го зазедоа вториот стартен ред. Тој го турна Британецот од патеката, а потоа имаше проблеми да остане пред својот ривал.
Потоа Хамилтон мораше да излезе на чакал и изгуби неколку позиции, поради што седумкратниот светски шампион преку радио сугерираше дека Леклер го турнал од патеката.
Леклер беше престигнат и од четирикратниот светски шампион Макс Верстапен и Оскар Пјастри во Мекларен, а по еден од дуелите со Австралијанецот, Леклер ја изгуби контролата врз својот автомобил.
Onboard with Charles Leclerc during his heavy crash pic.twitter.com/oh8BpJPXVb
— Holiness (@F1BigData) September 6, 2026
„Со Луис… бевме премногу блиску во првата кривина, а за жал и во втората – не знам дали имаше контакт или нешто слично“, рече Леклер, додавајќи:
„Бев во внатрешниот дел на кривината и се обидов да ја поминам, но не ја затворив доволно. Потоа, се разбира, видов што се случи само во моите ретровизори, а тоа никогаш не е она што сакате да го видите помеѓу два автомобила, особено помеѓу два автомобила од истиот тим. Што се однесува до самата несреќа, забрзував. Во првиот круг се чувствував малку чудно, па морав да ја испуштам педалата и повторно да забрзам. Во вториот круг се обидов да го направам истото, но не знам – само се чувствував малку чудно, па ќе го анализираме детално.“
Леклер рече дека ќе мора да помине уште неколку тестови по несреќата за да утврди дали ќе биде подготвен за следната трка во Формула 1, која ќе се одржи во Мадрид.
he couldn't take his eyes off the accident im so sad pic.twitter.com/FpttnDzBsc
— best of charles leclerc (@leclercphotos) September 6, 2026
„Вратот ми беше во ред, но видот ми беше малку заматен на почетокот. Немав најдобар вид на десното око веднаш, но сега е во ред“, рече Леклерк, додавајќи: „Тоа беше она за што најмногу се грижев кога излегов од автомобилот. После тоа почувствував мала болка, што е нормално по ваква несреќа, така што не е ништо сериозно.“
