За време на финалето на Светското првенство, а особено веднаш по натпреварот, Леандро Паредес предизвика голема антипатија кај поголемиот дел од светот.
Аргентинскиот играч од средниот ред почна да создава тензии со своите стартови од моментот кога влезе во играта. По натпреварот, го удри Гави.
Тој ги објаснува своите постапки велејќи дека младиот шпански играч од средниот ред наводно го провоцирал за Лионел Меси, потсмевajќи му се, тврди Паредес.
„Гави ми се приближи веднаш по последниот свиреж, додека сите славеа. Ме погледна и рече на шпански дека денес нема судија или ВАР да му помогнат на Меси. Тоа не ми се допадна. Беше непочитување, особено кога натпреварот веќе беше завршен. Му се приближив и го удрив во лице. Не можев да стојам настрана и да дозволам дете да зборува за Меси така. После тоа, сè излезе од контрола. Играчи од двата тима втрчаа, имаше туркање, викање и сите се обидуваа да ги заштитат своите соиграчи. Овие работи се случуваат кога емоциите се на врвот по финалето на Светското првенство.“
Од една страна, Аргентинецот не е горд на она што се случи. Сепак, од друга страна, тој додава дека ваквите провокации не можеле да останат незабележани.
„Не сум горд што имаше судир, но не можев да дозволам некој да го навредува Меси без јас да гледам и да не реагирам.“, додаде тој.
