Дамјан Крстевски е ново засилување на кошаркарскиот клуб Кожув, соопштија од екипата.
Македонскиот бек-шутер, висок 193 см, зад себе има богато прволигашко искуство, настапувајќи за Работнички, Вардар, ТФТ и Пелистер.
„Со својата борбеност, квалитет, сигурен шут и победнички менталитет, Дамјан ќе претставува големо засилување за нашиот тим во претстојната сезона. Му посакуваме многу здравје, успешна сезона и многу победи во црвено-белиот дрес“, велат од клубот во својата објава.
