Најголемиот светски производител на електрични автомобили, BYD, е во преговори со Формула 1, потврди кинескиот автомобилски гигант. Потпретседателот на BYD ги потврди разговорите со извршниот директор и претседател на Формула 1, Стефано Доменикали.
Пред неколку месеци, BYD беше во преговори со Формула Е за влез во светското првенство со електрични автомобили, но почетокот на разговорите со Формула 1 не значи дека Кинезите се откажале од Формула Е.
Претседателот на ФИА, Мохамед бин Сулајем, во неколку наврати изјави дека е подготвен да го пречека 12-тиот тим во Формула 1, особено ако станува збор за кинеска компанија. А договорот Конкорд, исто така, предвидува 12 тима да учествуваат во Формула 1, кои ќе бидат 11 оваа година со влегувањето на Кадилак.
Средбите со Доменикали се потврдени, но сè уште не е јасно дали Кинезите претпочитаат да основаат свој тим или да купат еден од оние што веќе учествуваат во Формула 1.
„Се сретнавме со Стефано Доменикали во Шангај“, потврди потпретседателката на BYD, Стела Ли, на Саемот за автомобили во Пекинг. „Одржуваме добри односи и постојан контакт.“
„Ја сакам Формула 1 затоа што страста и културата се важни во овој спорт и луѓето сонуваат да се натпреваруваат во Формула 1. Да, разговараме за идното учество на BYD во Формула 1. Ова е вистинска можност да ги тестираме нашите технологии.“, додаде таа.
