Шефот на тимот, Лоран Мекис, изјави дека многу добри возачи се заинтересирани за возачко место во Ред Бул доколку четирикратниот светски шампион Макс Верстапен навистина си замине. Тековниот договор на Холанѓанецот е до крајот на 2028 година, но специјализираните медиуми пишуваат дека тој има опција да го раскине доколку не се постигнат одредени резултати.
Верстапен сè уште не победил на трка во 2026 година, а Ред Бул продолжува да заостанува зад водечките тимови Мерцедес и Ферари, што дополнително ги зајакнува гласините за неговото заминување.
„Тоа функционира во двата правци. Нормално е Макс да добива повици од други тимови бидејќи тој е најдобриот возач во светот. Но, кога имате врвен тим, ќе добивате повици и од силни возачи. Вложуваме многу труд во развојот на автомобилот и задржувањето на најдобриот возач во светот. Секако, го видовме Исак Хаџар како расте покрај Макс. За нас, тоа е совршен пар и сакаме да го задржиме“, изјави Мекис за Sky Sports F1.
Верстапен се мачи со недостаток на брзина и непланирани судири. За Белгија му беше заменето задното крило и го забележа својот трет подиум во сезоната. Ред Бул сè уште заостанува далеку зад Мерцедес, но тимот минатата година докажа дека може да направи брз напредок и да се бори за титулата. Во 2025 година, Верстапен беше 104 поени зад првото место, но заврши два зад шампионот Ландо Норис.
„Ред Бул Рејсинг има само една цел – да победи. Намерите на Макс се исти. Луѓето кои го направија импресивниот пресврт минатата година се уште се тука. Ова се луѓето кои успеаја да избришат речиси една секунда дефицит. Го правиме тоа повторно, но последните неколку десетинки се најтешки. Продолжуваме да работиме за да ги постигнеме најдобрите резултати“, додаде Мекис.
