НБА трансферот на Марио Хезоња пропадна бидејќи тој не ја платил клаузулата за ослободување во договорот. Хезоња не му платил на Реал Мадрид 850.000 евра, со што ја пропушти можноста да го напушти клубот, пишува шпанскиот весник „Ас“.
Рокот за активирање на клаузулата истече минатиот понеделник на полноќ. Хезоња го информираше Реал за својата намера да замине, но не ја плати договорената сума, пишува Ас.
Неплаќањето на износот го прекрши членот 17.4.5 од колективниот договор помеѓу АЦБ лигата и здружението на играчи (АБП), во кој се наведува дека играчот кој сака еднострано да го раскине договорот мора да ја плати сумата од клаузулата за обештетување и во исто време да го информира клубот за остварувањето на тоа право.
Клубот официјално не ја коментираше ситуацијата, но името на Хезоња сè уште е на списокот на составот на официјалната веб-страница на Реал Мадрид.
Хезоња го продолжи договорот со Реал Мадрид за пет сезони во 2024 година, до 2029 година, и заработува околу два милиони евра годишно.
Хрватот сега има само една опција за евентуално заминување – директни преговори со Реал Мадрид, кој би можел да бара многу повеќе од 850.000 евра предвидени во клаузулата.
