🎥Ибрахимовиќ остана без коса, го потстрижа светска легенда

Златан Ибрахимовиќ ја изгуби косата, а го потстрижа легендарниот американски фудбалер, Том Брејди.

„Верувате ли? Сè е можно на домашен терен“ – претставена е промотивната реклама за Светското првенство во 2026 година во САД.

FOX Sports претстави промотивно видео во САД за Светското првенство, кое покрај Америка ќе се одржи во Канада и Мексико. Видеото ја прикажува победата на американската репрезентација над Бразил во финалето, прославата на навивачите низ целата земја, како и легендарниот шведски напаѓач Златан Ибрахимовиќ, кој завршува со избричена глава откако изгуби облог.

Видеото започнува со финалниот натпревар помеѓу САД и Бразил, со нерешен резултат 2-2. Американскиот крилен играч Кристијан Пулишиќ го постигнува првиот гол на минута до крајот на натпреварот, носејќи го трофејот на својот тим.

По победата на тимот, целата земја слави, со огромни паради и еуфорија на улиците.

Видеото продолжува со поранешниот шведски напаѓач Златан Ибрахимовиќ како е потстрижуван од легендарниот американски фудбалер Том Брејди, кој вели: „Ти кажав дека ќе победиме“. Ибрахимовиќ одговара: „Златан е сè уште убав“, на што Брејди одговара: „Не, повеќе не е“.

Треба да се напомене дека двајцата спортисти, заедно со Тиери Анри и Кларенс Сидорф, ќе работат како стручни коментатори за FOX Sports за време на Светското првенство.