Барселона оваа сезона нема да биде запаметена само по освојувањето на титулата во шпанското првенство, туку и по влегувањето во историјата на Ла Лига како прв тим што ги освои сите домашни натпревари.
„Ова никогаш не е видено во Ла Лига“, беше насловот на статијата на „Марка“ по победата на Барселона над Бетис, со која Каталонците ја завршија сезоната без ниту еден неуспех пред своите навивачи.
Тимот на Ханси Флик ги освои сите 19 домашни натпревари оваа сезона, и покрај тоа што мораше да се сели неколку пати.
Каталонците играа на три различни места како домаќини – стадионот Јохан Кројф, Олимпискиот стадион Луис Компанис и Камп Ноу Спотифај, кој во меѓувреме се реновираше, па клубот мораше привремено да игра на други места.
На стадионот Сант Жоан Деспи ги победија Валенсија и Хетафе, а на Монжуик беа подобри од Реал Сосиедад, Жирона и Елче.
На реновираниот стадион „паднаа“ Атлетик, Алавес, Атлетико, Осасуна, Овиедо, Мајорка, Леванте, Виљареал, Севиља, Рајо, Еспањол, Селта, Реал Мадрид и Бетис.
Разликата во головите на домашен терен е исто така импресивна, бидејќи постигнаа 57 гола, а примија само 10.
Барселона со тоа ја завршува сезоната 2025/26 со освојување на Ла Лига и Суперкупот на Шпанија, но и со влегување во историјата на првенството како тим кој се покажа како непобедлив на својот домашен терен.
