Атлетико Мадрид и Арсенал ремизираа синоќа во првиот натпревар од полуфиналето на Лигата на шампионите, а резултатот беше 1:1. Ремито на стадионот „Ванда Метрополитано“ остави сè отворено пред реваншот во Лондон, а натпреварот беше обележан со пенали.
Досудени беа три пенали, од кои еден беше поништен по интервенција од ВАР собата, што ги разбесни сите во Арсенал.
Судијата Дени Макели досуди пенал на крајот од натпреварот откако Давид Ханко стапна на ногата на Еберечи Езе и го собори во шеснаесетникот.
Actually fair choice from ref not to award second penalty to Arsenal#AtleticoArsenal pic.twitter.com/2HV6vkBXe0
— Tancredi Palmeri (@tancredipalmeri) April 30, 2026
Следеа жестоки протести од домашниот тим, а потоа и повик од ВАР собата, по што одлуката на холандскиот судија беше поништена.
Арсенал сè уште беше бесен поради одлуката по натпреварот, а на крајот УЕФА мораше да се изјасни, со кратко објаснување.
„Играчот на Атлетико со број 17 не направи прекршок врз противнички играч“, се вели во соопштението на УЕФА, без понатамошно разјаснување за процесот на донесување одлуки и покрај огромниот јавен интерес.
Од друга страна, Арсенал верува дека е сосема јасно дека имало контакт меѓу двајцата играчи и дека Езе бил фаулиран.
