Еден од најдобрите играчи во НБА, Јанис Антетокумпо синоќа ги фрли во очај навивачите на Милвоки – Гркот ќе ги напушти Бакс на крајот од сезоната.
Во изјава за грчката „Космоте ТВ“, Јанис потврди дека љубовта меѓу него и клубот каде што ја помина целата своја НБА кариера е „скршена“.
„Да зависеше од мене, веќе ќе бев во друг тим. Следното лето, сè ќе биде во мои раце, кога ќе бидам слободен агент, ќе го напуштам Милвоки“, рече Јанис.
Со ова, тој јасно испрати порака дека сака размена во текот на следната сезона, а со оглед на тоа што неговиот договор истекува во летото 2027 година, јасно е дека Бакс мора да направат размена за да не го изгубат бесплатно.
Во тековната сезона, Антетокунмпо има просек од 28 поени, 10 скока и 5 асистенции по натпревар, а Лос Анџелес Лејкерс веќе се промовираа како прв кандидат да го доведат.
