Македонската претставничка Јана Атанасовска не успеа да ја совлада патеката во денешниот слалом на Зимските олимписки игри „Милано-Кортина 2026“.
По идентичното сценарио од велеслаломот пред неколку дена, Атанасовска направи грешка на самиот старт од првото возење, со што предвреме го заврши своето учество на овие Олимписки игри и нема да настапи во втората трка.
„Иако очекувањата беа големи, неискуството и преголемата желба за успех на најголемата спортска сцена беа пресудни овојпат. Олимписките игри носат огромен притисок, а денешниот настап е само уште еден чекор во градењето на кариерата на нашата надежна скијачка“, стои во соопштението на МОК.
По денешниот епилог, завршија настапите на ЗОИ 2026 за македонските натпреварувачи.
