Капитенот на Партизан, Никола Зечевиќ, ќе го напушти „црно-белиот“ тим по пет години.
Повремениот репрезентативец на српската ракометна репрезентација следната сезона ќе го носи дресот на ГРК Охрид, кој од клупата го води Борис Ројевиќ, пренесе Б92.
Зечевиќ имаше две сериозни операции на коленото во периодот кога го носеше дресот на Партизан, што значително ја забави неговата кариера.
Во тимот, негов соиграч ќе биде Дарко Ѓукиќ, како и уште еден поранешен ракометар на Партизан, Стефан Петриќ.
Тој пристигнува во тим кој има големи амбиции и желба да го симне од тронот Вардар.
