Најлошата сезона во изминатите неколку години може да се покрие со добар настап во Лигата на Европа, а Вардар му стои на патот на француски Монпелје. Екипата на тренерот Ерик Мате е надвор од форма, со само 35 бода и загрозено трето место, кое е доведено во прашање и од Лимож и Шамбери, и далеку зад водечката двојка ПСЖ и Нант. Домашниот пораз од Екс со 29:33 покажа дека формата на двократниот победник на Лигата на шампионите во ЕХФ е во надолна линија, а последниот удар може да го зададе македонскиот шампион.
Традицијата е на страната на тимот од Скопје, кој во девет претходни натпревари има шест победи, двапати е поразен, а има и еден нерешен резултат. Секако, сите натпревари се поврзани со златната ера на „црвено-црните“ од последната деценија, а последниот судир беше во 2020 година.
Од друга страна, Вардар има само три порази оваа сезона. Хрватскиот тренер на тимот, Иван Чупиќ досег се покажа одлично, Купот е освоен, тука е и титулата, го врати тимот во Лигата на шампионите на ЕХФ следната сезона, но Монпелје е сè уште силен и фаворит на хартија.
Првиот натпревар од четвртфиналето на Лигата на Европа на ЕХФ ќе се игра вечерва во 20:45 часот во Франција.
