Шон Стрикланд ја врати титулата во средна категорија на UFC. Американецот победи со поделена одлука над Хамзат Чимаев во главниот настан на UFC 328, кој се одржа во Пруденцијал Центарот во Њу Џерси порано денес.
Овој пораз беше прв за Чимаев во 16 професионални MMA борби. Тој одлучи да разменува удари со Стрикланд во стоечка положба поголемиот дел од борбата, што му овозможи на Стрикланд да го наметне својот стил. Американецот, од друга страна, покажа добра одбрана од тејкдаун и дефанзивно „грапирање“, бранејќи 4 од 13 обиди за тејкдаун и не дозволувајќи да биде решен со „сабмишн“ во првата рунда.
Победата беше 31-ва за Стрикланд во 38 борби. Тој има и победи над имиња како Израел Адесања, Насурдин Имамов, Ентони Хернандез, Пауло Коста, Брендон Ален, Абус Магомедов.
„Сакам да им се извинам на моите американски фанови, моите муслимански фанови и моите христијански фанови. Бев премногу суров, признавам. Чеченија има одлични борци. Треба да бидам подобар пример, но се обидувам да ги промовирам овие борби. Чимаев не се повлече. Го удирав со сè, но тој продолжи“, рече Стрикланд веднаш по победата.
