Долгоочекуваниот дуел помеѓу Ентони Џошуа и Тајсон Фјури конечно би можел да стане реалност, откако беше објавено дека е потпишан договор за борбата, објави британскиот Би-Би-Си.
Сепак, пред да се случи спектаклот, Џошуа ќе има реванш натпревар против Кристијан Пренга, кој е закажан за 25 јули во Ријад.
✅ DONE DEAL 🤝
Anthony Joshua has signed a deal to fight Tyson Fury, Eddie Hearn has announced ✍️ pic.twitter.com/rdQX97GW1v
— BBC Sport (@BBCSport) April 27, 2026
Британскиот боксер не влегол во рингот од декември, кога беше вклучен во тешка сообраќајна несреќа во Нигерија, во која загинаа двајца членови на неговиот тим.
Борбата меѓу двајцата поранешни светски шампиони во тешка категорија беше предмет на преговори со години, но никогаш не се материјализираше. Сега, се чини, сè е договорено.
„Како што реков, шефот ќе си плати за своите. Тоа е сигурно“, рече Џошуа.
Сепак, првиот предизвик за 36-годишниот Британец ќе биде Пренга, 35-годишен Албанец со резултат од 20 победи (сите со нокаут) и еден пораз. Иако е релативно непознат за пошироката јавност, неговиот настап гарантира одредена доза на опасност.
Џошуа нагласува дека му бил потребен период за физички и психички да се подготви за враќањето на рингот.
„Не е тајна дека ми требаше време да се консолидирам и да се подготвам за моето враќање. Ова е следниот чекор на тој пат“, рече британскиот боксер.
Точниот датум и локација на борбата со Фјури сè уште не се потврдени, но се шпекулира дека спектаклот би можел да се одржи во ноември, потенцијално со емитување на платформата Netflix.
Џошуа неодамна присуствуваше на реваншот на Фјури против Махмудов во Лондон, каде што неговиот ривал го покани на рингот, но Британецот одби.
Тимот на Фјури потоа објави дека веќе го потпишале својот дел од договорот и чекаат одговор од противникот.
Аналитичарите веруваат дека подготвителниот натпревар во Ријад е логичен потег за Џошуа да се врати во натпреварувачки ритам по тежок период.
Последната победа ја постигна против инфлуенсерот Џејк Пол, кој се обиде во боксот, додека последниот триумф над реномиран противник го забележа во 2023 година.
Доколку не се случат изненадувања во јули, љубителите на боксот конечно би можеле да ја добијат борбата што ја чекаа речиси една деценија.
