Шпанскиот фудбалер Гави смета дека Аргентинците не треба да бидат суспендирани поради насилството што го манифестираа по финалето на Светското првенство.
Откако Шпанија ја победи Аргентина со 1-0 и со тоа ја освои втората шампионска титула во својата историја, започнаа хаотични сцени. Аргентинците не можеа да се помират со фактот дека противникот ги надигра.
Леандро Паредес доминираше во валканата работа. Играчот на Бока Јуниорс газеше сè пред себе, а најпогоден беше Гави, кого Паредес го фрли на подот и почна да го клоца сè додека не беа разделени.
💣🇦🇷 GAVI SOBRE LA AGRESIÓN QUE RECIBIÓ DE PAREDES EN LA FINAL ESPAÑA-ARGENTINA:
💥 “No creo que deba ser suspendido. Lo lógico hubiese sido expulsarle en el partido”
👊🏼 “No es una imagen para los niños pero creo que hay esa parte de fútbol que es un poco más violenta”
— Zona Mixta (@ZonaMixta__) July 21, 2026
Сепак, Гави ја изненади фудбалската јавност со пораката дека Паредес не треба да биде суспендиран.
„Не, искрено. Не мислам дека Паредес треба да биде суспендиран. Разбирам дека тоа не е добра слика за децата, но фудбалот има и пофизичка и поагресивна страна. Би било пологично да го исфрлеа за време на натпреварот и тоа е тоа. На крајот на денот, тоа е фудбалот и мислам дека секогаш треба да остане така“, изјави Гави за „Ел Партидазо де Копе“.
ФИФА потврди дека Паредес не добил црвен картон за неговото однесување по натпреварот, но дека отвориле дисциплинска постапка по која ќе се утврдат сите околности и одговорните ќе бидат казнети.
