Контроверзноста околу технологијата што се користи на Светското првенство продолжува. Откако сензорот во топката предизвика бура од реакции откако беше поништен голот на Хрватска против Португалија, нова контроверзна ситуација беше забележана во четвртфиналниот дуел помеѓу Англија и Норвешка, а се појави и можно објаснување зошто системот овој пат не го регистрирал очигледниот контакт на топката со кабел над теренот.
Најконтроверзен момент на натпреварот беше голот за израмнување на Англија на крајот од првото полувреме. За време на исфрлањето на топката на норвешкиот голман, таа, според снимката, го „закачила“ кабелот што ја носел таканаречената „пајакова камера“, го сменила правецот и завршила во акцијата, од која Џуд Белингам го постигна голот за резултат од 1-1. Подоцна, Белингам беше тој што со својот втор гол во продолжението ѝ донесе на Англија победа од 2-1 и пласман во полуфиналето.
Иако снимката со забавено движење покажува промена во траекторијата на топката, ФИФА соопшти дека сензорот не регистрирал никаков контакт со кабелот, што дополнително ги разгорува сомнежите за сигурноста на системот.
El balón sí tocó el cable de la cámara y cayó en el regazo de un miembro del equipo inglés, lo que permitió el gol de Bellingham contra Noruega.
La FIFA afirma que no se registró contacto: “El sensor de latido del balón conectado no tiene señal”.
El equipo de Noruega también lo… pic.twitter.com/7gZPbqfBaz
— Libre Oposición (@Libre_Oposicion) July 12, 2026
Многумина се прашуваа како истата технологија претходно можеше да детектира минимален контакт помеѓу топката и косата на Игор Матановиќ на натпреварот Хрватска-Португалија, а сега не регистрираше удар во цврст кабел што видливо ја промени насоката на летот на топката.
Шпанскиот весник „Марка“ наведува дека проблемот веројатно не е во самиот сензор, туку во преносот на податоци. Имено, сензорот во топката работи целосно независно и регистрира удари, вибрации и ротација до 500 пати во секунда. Секој контакт остава карактеристичен запис што, теоретски, треба да се евидентира без исклучок.
Сепак, откако сензорот ќе регистрира контакт, информациите се испраќаат безжично до мрежа од антени поставени околу теренот, кои ги проследуваат податоците до ВАР системот. Токму во овој дел од процесот, тврди шпанскиот весник, можело да се случи прекин.
La transmisión de la BBC da un indicio de que el balón SÍ TOCÓ EL CABLE DE LA CÁMARA en la jugada previo al GOL DE INGLATERRA 😳‼️ pic.twitter.com/iQdwYBDnKa
— Marca Zonal | Data & Fútbol 📊 (@Marca_Zonal) July 12, 2026
Се претпоставува дека металната структура на пајак-камерата, заедно со каблите и моторите, може да предизвика пречки во радио-сигналот и „комуникацијата“ на топката со антените. Затоа, можно е сензорот да регистрирал удар во кабелот, но информациите никогаш да не стигнале до системот што ги обработува податоците.
Експертите го опишуваат овој феномен како еден вид „слепа точка“ на стадионот, област во која сигналот е ослабен или привремено блокиран. Во такво сценарио, сензорот правилно би го снимил контактот, но податоците би биле изгубени пред да стигнат до ВАР собата.
Досега, ниту една од овие претпоставки не е официјално потврдена, но оваа теорија во моментов е најприфатливото објаснување за еден од најконтроверзните детали од Светското првенство досега.
