Тотенхем го обезбеди потписот на Енди Робертсон, кој се приклучува како слободен играч откако му истече договорот со Ливерпул. Левиот бек, кој веќе го објави своето заминување од „Редсите“, официјално ќе стане играч на Тотенхем на 1 јули.
We are delighted to announce the signing of Andy Robertson ✍️
A leader on and off the field, the highly decorated Scotland captain will join the Club on July 1 following the expiration of his contract at Liverpool.
Read more 👉 https://t.co/vF0VxOqEVd pic.twitter.com/AfCbimiGKA
— Tottenham Hotspur (@SpursOfficial) June 5, 2026
Тотенхем, тогаш под раководство на Томас Франк, веќе се обиде да го потпише Робертсон за време на јануарскиот преоден рок. Имаше договор меѓу двата клуба, но Ливерпул на крајот се откажа од трансферот откако не успеа да го врати Костас Цимикас од позајмица во Рома.
Новиот менаџер на Спарс, Роберто де Зерби, кој обезбеди опстанок во Премиер лигата во последното коло со победа над Евертон, го изрази своето задоволство од аквизицијата.
„Енди е некој на кого му се восхитувам со години и ќе донесе исклучителни технички квалитети, искуство, лидерство и менталитет во нашиот тим. Тој е докажан победник на највисоко ниво во подолг временски период и некој што може да биде важен играч за нас, и на теренот и надвор од него“, истакна Роберто де Зерби.
Andy Robertson, welcome to our family 🤍 pic.twitter.com/wK9w11nGYJ
— Tottenham Hotspur (@SpursOfficial) June 5, 2026
Робертсон одигра 378 натпревари за Ливерпул, освојувајќи бројни трофеи, вклучувајќи две титули во Премиер лигата и една во Лигата на шампионите. Дефанзивецот ќе ја предводи Шкотска на Светското првенство ова лето, што е нивно прво учество од 1998 година.
