Менаџерот на Арсенал, Микел Артета, ги сподели своите впечатоци по финалето на Лигата на шампионите. Неговиот тим беше поразен од Пари Сен Жермен на пенали (1-1, 4-3).
„Во шеснаесетникот, со пеналот што му беше досуден на Москера, оној што не му беше досуден на Мадуеке, а потоа и со пеналите, тие разлики не одеа во наша корист“, рече Артета, додавајќи:
„Она што им го кажав на играчите и на тренерскиот штаб е дека дури и да им се заблагодарам милион пати, тоа нема да биде доволно. Не е затоа што ја освоивме Премиер лигата, не е затоа што игравме во финалето на Лига Купот и Лигата на шампионите. Тоа е поради радоста и моментите што ги живеевме заедно секој ден и тоа е пред сè“.
Тој се осврна на трагичниот Габриел, но и на Езе, кој исто така не беше прецизен.
„Габриел сакаше да го изведе петтиот пенал. Обично пеналите ги изведуваа Сака, Едегор и Хаверц, тоа е сигурно, но знаевме кога одевме во продолженија и пенали дека другите играчи ќе ги изведат. Сè уште имавме квалитет, а на тренинзите Езе никогаш не промашува. Мора да земеш еден шут и за жал ја немавме иста прецизност“, вели Артета.
