Со двете победи над Реал Мадрид и квалификацијата за полуфиналето на Лигата на шампионите, Баерн Минхен го симна Кралскиот клуб од врвот на ранг-листата на УЕФА. 15-кратниот европски шампион долго време беше на првото место, но во последните две сезони Реал беше елиминиран во четвртфиналето и додаде 27 и 24,5 поени на својот коефициент, соодветно. Ова не беше доволно за да ги задржи на врвот.
Баерн сега е на врвот и на петгодишната и на десетгодишната ранг-листа. На двете ранг-листи, Реал останува втор, со Ливерпул на третото место во едниот случај и Манчестер Сити во другиот.
Во однос на ранг-листата во тековната сезона, Арсенал е на првото место со 38.500 поени. Баерн е втор со 38.250 (двата тима завршија први и втори на табелата во главната фаза – н.з.), а актуелниот носител на трофејот Париз Сен Жермен е трет.
Интересно е што со победите во Лигата на Европа, Астон Вила е на четвртата позиција.
