Фудбалскиот клуб Бешикташ денес негираше дека Оливер Гласнер ќе ја преземе тренерската функција.
„Веста што циркулира, а во која се тврди дека сме во преговори со Оливер Гласнер за позицијата главен тренер на нашиот тим и дека е постигнат прелиминарен договор, е целосно неоснована. Ве повикуваме силно да не верувате на оваа и слични злонамерни вести што се измислуваат зад затворени врати“, се вели во соопштението од Бешикташ.
Гласнер (51) го напушти Кристал Палас на крајот од сезоната, а неодамна ја освои Конференциската лига со лондонскиот клуб.
Медиумите во последните денови пишуваа дека Ливерпул, Милан, Борнмут и Бешикташ се заинтересирани за услугите на Гласнер.
Сепак, сè уште не е познато точно кој клуб ќе го преземе многу бараниот стратег, по извонреден период во Лондон и три освоени трофеи.
