Откако вчера стана јасно дека Челзи понудил рекордна сума за англискиот репрезентативец Морган Роџерс, денес новинарот Бен Џејкобс објави дека тимот од Лондон започнал и официјални преговори за францускиот репрезентативец Максенс Лакроа.
Централниот дефанзивец на Кристал Палас беше во составот на „петлите“ во поголемиот дел од нивните последни два натпревари на Светското првенство. Во полуфиналето со Шпанија, тој го замени тешко повредениот Вилијам Салиба во 30-тата минута, а синоќа беше стартер против Англија во натпреварот за третото место и ја доби третата највисока оценка во тимот на Дидие Дешан, иако одбраната на „петлите“ прими шест гола.
Според Џејкобс, и Арсенал е заинтересиран за 26-годишниот Лакроа, кого „орлите“ го ценат на 55 милиони фунти.
Пред неколку дена, „Мирор“ објави дека од „Стемфорд Бриџ“ се подготвени да го понудат Трево Чалоба на Кристал Палас како адут за преговарите за Лакроа.
