Напаѓачот на Пари Сен Жермен, Усман Дембеле, го коментираше триумфот од 2-0 над Ленс во одложениот натпревар од 29-то коло од француското првенство.
Со овој успех, Парижаните ја обезбедија шампионската титула за сезоната 2025/26. На едно коло до крајот, ПСЖ е на врвот на табелата со 76 бода, девет бода пред најблискиот конкурент.
„Сакавме да дојдеме тука и да победиме. Сакаме добро да се подготвиме сега, вклучително и за финалето на Лигата на шампионите на 30 мај, но денес мораше да играме сериозно. Имаме уште еден натпревар во недела. Ќе славиме ли? Не, ја прифаќаме победата мирно; имаме натпревар за три дена, па… Секако, ќе славиме малку, но ништо повеќе. Индивидуално, беше неверојатна сезона. „Златната топка“? Смирен сум во врска со личните награди. Најважни се тимскиот успех и трофеите. Ги освоивме Лига 1, Францускиот Суперкуп и Интерконтиненталниот куп. Имаме одлучувачки натпревар на 30 мај“, изјави Дембеле, цитиран од француските медиуми.
