Рома ја активираше клаузулата за да го купи напаѓачот на Астон Вила, Дониел Мален, објавија италијанските медиуми. Клубот од Рим ќе плати 25 милиони евра за 27-годишниот Холанѓанец.
Клаузулата беше автоматски активирана откако Рома се квалификуваше за европските турнири. Ова стана факт откако Интер го освои Купот на Италија синоќа.
Мален се приклучи на Рома на позајмица во јануари. На 16 натпревари од Серија А, тој постигна 13 гола и имаше две асистенции. Рома е петта на табелата во Серија А по 36 натпревари, а во последните две кола „волците“ ќе се борат за влез меѓу првите 4 и за играње во Лигата на шампионите следната сезона.
Холандскиот репрезентативец Мален претходно играше за Борусија (Дортмунд) и ПСВ, како и за младинските тимови на Арсенал и Ајакс.
