Аргентинскиот напаѓач на Рома, Пауло Дибала, навести дека може да го напушти клубот на крајот од сезоната. Неговиот договор истекува ова лето, а засега нема разговори за продолжување.
„Мојата иднина? Вистината е дека ни јас не знам. Но, мојот договор завршува по овие последни два натпревари од сезоната. Единственото нешто што можам да го кажам е дека дербито на Лацио веројатно ќе биде мојот последен натпревар пред навивачите на Рома. Тоа е она што го пишува во договорот. Ќе видиме што ќе се случи на крајот од сезоната“, изјави Дибала за Скај Спортс.
Аргентинецот се врати во игра во победата над Парма синоќа по долго закрепнување од повреда. Тој има 21 настап оваа сезона, постигна три гола и имаше три асистенции.
Претходно, новинарите објавија дека Дибала ќе се приклучи на Бока Јуниорс ова лето.
