Вечерва ќе се играат преостанатите два први четвртфинални натпревари во Лигата на шампионите, во кои можеме да очекуваме исклучително интересни дуели.
Шпанското дерби ќе се игра на најголемата сцена помеѓу Барселона и Атлетико, каде можеме да очекуваме уште еден класичен судир на сосема различни фудбалски филозофии.
Од едната страна ја имаме Барселона, која секогаш бара доминација, посед на топката и креација на својот домашен терен, а од другата страна стои непријатниот Атлетико Мадрид предводен од Диего Симеоне – тим познат по својата гранитна одбрана, неверојатна борбеност и опасни контранапади.
Овие два тима одлично се познаваат со оглед на тоа што веќе одиграа четири натпревари оваа сезона – два во првенството и два во Купот (Барселона победи три пати, Атлетико еднаш), па веројатно нема да има тактички изненадувања. Малите работи и моменталната инспирација на поединци ќе одлучат.
The quarter-finals continue 😤#UCL pic.twitter.com/EUhHZQNuqw
— UEFA Champions League (@ChampionsLeague) April 8, 2026
Во Париз нè очекува судир на титани. ПСЖ, актуелниот шампион на Европа, го пречекува Ливерпул.
Иако Ливерпул не игра добро оваа сезона, никогаш не треба да се отпишува и се очекува брза, отворена и напаѓачка игра од двете страни.
Парижаните ќе се потпрат на индивидуалната брилијантност на своите ѕвезди, додека Ливерпул ќе се обиде да ги скрши домаќините со брзина и тимска игра. Оној што ќе успее да го наметне својот ритам на средината од теренот ќе има огромна предност пред реваншот на Енфилд.
И двата натпревари започнуваат во 21:00 часот.
