Централниот бек на Манчестер Сити, Јошко Гвардиол, е новата голема трансфер цел на Реал Мадрид. Во последните денови, кралскиот клуб активно бара фудбалери за зајакнување на одбранбената линија на тимот по барање на идниот нов тренер Жозе Мурињо.
„Белите“ веќе практично го договориле Ибрахима Конате, кој доаѓа како слободен агент од Ливерпул, и Дензел Дамфрис, за кого Реал ќе му плати на Интер 20 милиони евра.
Според Алберто Переиро од „Онда Черо“, Мурињо е многу заинтересиран клубот да го привлече Гвардиол. Флорентино Перез, исто така, го смета Хрватот за најдобра опција за позицијата во моментов. Неговата голема предност е што може да игра добро и како лев бек.
Според информациите, Реал Мадрид е подготвен да плати 75 милиони евра за 24-годишниот хрватски интернационалец. Сепак, Манчестер Сити веројатно нема да сака да се раздели од Гвардиол, за кого платија 90 милиони на РБ Лајпциг пред три години.
