Пеп Гвардиола е вториот тренер во историјата кој има 40 трофеи во кариерата! Шпанецот стигна до бројката од 40 трофеи со освојувањето на својот петти Лига куп со Манчестер Сити, а пред него е само легендарниот Сер Алекс Фергусон, кој освои 49 трофеи со Абердин и Манчестер Јунајтед.
Со освојувањето на својот петти Лига куп, Пеп Гвардиола стана најуспешниот менаџер во историјата на натпреварувањето (престигнувајќи ги Брајан Клоф, Алекс Фергусон и Жозе Мурињо) и продолжи да пишува историја.
🚨🏆 Pep Guardiola has now won 40 trophies in his coaching career. 4️⃣0️⃣✨
🏆🏆🏆🏆🏆🏆 Premier League x6
🏆🏆🏆🏆🏆 Carabao Cup x5
🏆🏆🏆🏆 Club World Cup x4
🏆🏆🏆🏆 UEFA Super Cup x4
🏆🏆🏆 Champions League x3
🏆🏆🏆 La Liga x3
🏆🏆🏆 Bundesliga x3
🏆🏆🏆 Spanish Super Cup x3… pic.twitter.com/Nn0QpDLFWr— Fabrizio Romano (@FabrizioRomano) March 22, 2026
„Што да кажам? Секогаш кога освојувате трофеј, тоа е важно. Имавме тешки две недели, а особено го имавме Арсенал како сериозен ривал. Не ни дозволија да дишеме првите 15 минути, потоа почнавме да играме, особено Доку и Шерки. Микел Артета создаде тим кој е речиси непобедлив, затоа сум задоволен од начинот на кој игравме. Па, го освоив петтиот Лига куп за 10 години, не е лошо“, рече Гвардиола.
Гвардиола успеа да го направи ова во својата 18-годишна кариера, а во истиот период, на пример, Луис Енрике освои 19, Марсело Гаљардо 15, Жозе Мурињо 14, Макс Алегри и Карло Анчелоти по 13, Зинедин Зидан и Јирген Клоп по 11 трофеи.
На листата на сите времиња, Фергусон е прв со 49 трофеи, по него следуваат Гвардиола со 40, Мирчеа Луческу со 36, Валериј Лобановски со 33 и Карло Анчелоти со 30 трофеи.
