Капитенот на Челси, Рис Џејмс, се согласи на нов шестгодишен договор кој ќе го задржи на Стемфорд Бриџ до 2032 година.
Џејмс (26) проојде низ младинската академија на Челси и го имаше своето деби за првиот тим на „сините“ во септември 2019 година. Неговиот нов договор има слична структура како претходниот, базиран на бонуси поврзани со индивидуалните и тимските перформанси.
Англискиот репрезентативец е најплатениот играч на лондончани, заработувајќи околу 250.000 фунти неделно. Претходниот договор на Џејмс истече во 2028 година, поради што продолжувањето на неговата соработка беше еден од приоритетите на клубот.
Тој го потпиша договорот кратко откако клубот беше преземен во 2022 година од група предводена од инвеститорот Тод Боели. Џејмс започна 19 од своите 26 настапи во Премиер лигата за Челси оваа сезона, и има вкупно 225 настапи за клубот.
Фудбалерот ја освои Лигата на шампионите со Челси во 2021 година, Суперкупот на УЕФА истата година, Конференциската лига во 2025 година и Светското клупско првенство на ФИФА, а беше именуван за капитен пред три години.
Се вели дека преговорите напредувале брзо, а Џејмс е охрабрен од напредокот што го постигнал во закрепнувањето од низата повреди што го мачеа неколку сезони.
Во декември 2023 година, тој беше подложен на операција на тетивата што го мачеше во неколку наврати. На теренот, тој беше ефикасен и на позицијата бек и како играч од средниот ред.
Исто така, се вели дека ги подобрил своите лидерски вештини, по претходните критики под водство на Енцо Мареска.
Џејмс нагласи дека една од неговите главни цели е да заработи место во репрезентацијата на Англија за Светското првенство, со оглед на тоа што ги пропушти последните две големи натпреварувања поради повреди.
