Легендарниот француски фудбалер Карим Бензема вечерва го имаше своето деби за саудискиот тим Ал-Хилал и веднаш ја покажа својата класа постигнувајќи „хет-трик“.
Бензема блескаше во дуелот на Ал-Хилал со Ал-Охдуд во 21-то коло од Премиер лигата на Саудиска Арабија, а неговиот тим славеше триумф од 6:0.
Бензема постигна гол во 31-та, 60-та и 64-та минута, а неговиот прв гол беше особено убав, бидејќи ја затресе мрежата на домашниот тим со пета.
За потсетување, претходно оваа недела Бензема пристигна во Ал-Хилал од Ал-Итихад, каде што Министерството за спорт и Фондот за јавни инвестиции (PIF) одбија да го продолжат договорот на Французинот.
Бензема го почувствува ова како знак на непочитување кон него и се пресели во редовите на ривалот на Ал-Итихад, што дефинитивно ќе биде огромен поттик.
Покрај Бензема, Малком и Салем Ал-Давсари постигнаа два гола за Ал-Хилал вечерва.
Ал-Хилал моментално е лидер во лигата со 50 бода, четири повеќе од Ал-Наср, кој сè уште не одиграл натпревар во оваа рунда од натпреварувањето.
Фото: Х/Принтскрин/NikolasRMFC
