Навивачката група Комити на отворен состанок донесе одлука за бојкот на сите натпревари на ФК Вардар а истиот ќе трае се додека Управата на чело со Миленко Неделковски не поднесе оставка и не си замине од клубот, соопштија оттаму. Оваа одлука, според нив, е донесена и со претходна консултација и разговори со сите подгрупи, на кои истата е едногласно поддржана.
„Причините за бојкот се аматеризмот, како и примитивизмот кои владеат во клубот, а кои се директна последица на катастрофалните одлуки кои Управата ги носи на секое поле и поради срамниот однос кон навивачите, кој кулминираше на последниот натпревар кога обезбедувањето на Управата, по наредба на Миленко Неделковски се дрзна и ги нападна децата на групата и клубот, кој претставува последен срамен чин кој нема да се повтори никогаш повеќе, тоа ние ви го гарантираме!“, стои во обраќањето до јавноста на навивачката група.
