Винсент Компани зборуваше по победата на неговиот тим Баерн Минхен од 2-1 над Реал Мадрид во првиот натпревар од четвртфиналето на Лигата на шампионите. Баварците забележаа победа на „Сантијаго Бернабеу“, што им даде многу сериозен психолошки поттик за реваншот.
„Секоја победа на Бернабеу е добар резултат. Можеме да градиме врз неа, а следниот натпревар е дома. Понекогаш беа неверојатно опасни – погледнете го нивниот квалитет – но и ние бевме опасни. Сега нашата цел е да продолжиме напред и да победиме дома.
Секој може да го избере најдобриот на сите времиња, но Мануел Нојер е еден од ретките што е способен да го прави тоа многу, многу долго време. Да се игра така на оваа возраст е многу тешко. Не знам како беше да се работи со него на 30 години, но тој е навистина импресивен. Потребни ви се посебни настапи на ова ниво во вакви натпревари. Имавме шанси да постигнеме повеќе голови. Да се надеваме дека ќе можеме да ја продолжиме оваа форма следната недела… и дека нашите напаѓачи ќе бидат најдобрите играчи.
Зависи од клубот и Мануел дали може да продолжи на негова возраст. Нема да кажам ништо за тоа. Најважно е она што го видовме од него вечерва. Чувствувам дека е во многу добра форма и ние имаме потреба од него – не само поради неговото искуство, туку и поради неговите квалитети. Тој реагираше во многу тешки фази од овој натпревар. Но, не сум изненаден со оглед на неговото однесување за време на тренинг процесот.
Ништо не е завршено. Не може да бидеме еуфорични вечерва, со оглед на тоа што допрва треба да се одржат уште неколку важни натпревари. Ако моите момци победат следната недела, можеби тогаш ќе почувствувам радост. Во Баерн се однесувавме кон противникот со голема почит. Цениме колку е голем клубот и тимот, но исто така беше важно што претставуваме и што значи за нашите играчи да победиме“, рече Компани.
