Манчестер Јунајтед му соопшти на Марсеј дека нема да ја активира клаузулата за откуп на Мејсон Гринвуд, објави Фабрицио Романо. Францускиот клуб и Фенербахче се подготвени да го финализираат трансферот на 24-годишниот Англичанец, кој ќе ја продолжи кариерата во гигантот од Истанбул.
„Црвените ѓаволи“ ќе добијат околу 10 милиони фунти од договорот вреден 45 милиони евра за Гринвуд. Хетафе ќе добие 10% од трансферната сума.
Според Николо Шира, Англичанецот ќе потпише договор до 2030 година, заработувајќи 8 милиони евра годишно.
Гринвуд постигна 26 гола на 45 натпревари за Марсеј минатата сезона. Рома беше заинтересирана за него, но се чини дека Фенербахче ќе биде тој што ќе ја добие трансфер битката.
