Млад руски фудбалер, Данил Секач, признал дека убил жена во нејзиниот стан во Москва по наредба на измамници, објави Рускиот истражен комитет.
„По наредба на измамници, (напаѓачот) дошол (во станот) да го отвори сефот. Потоа му наредиле да го убие сопственикот на станот“, рече тој во својата изјава, како што објави Истражниот комитет на неговиот канал Телеграм.
Како што објави Марка, против 20-годишниот Секач е покрената кривична постапка, а тој се соочува со казна затвор до 15 години.
Секач беше уапсен во саботата во хотел кој се наоѓа на околу 14 километри од местото на злосторството.
„Признавам сè и жалам за тоа“, додаде Секач, кој играше за руската младинска репрезентација, а моментално игра за резервниот тим на ФК Урал во Екатеринбург.
