Идниот тренер на Реал Мадрид, Жозе Мурињо, е свесен за својот избор за едно од првите нови засилувања во неговиот втор престој во клубот.
Како што објави Џанлука Ди Марцио, Специјалниот сака да го има Нико Паз од Комо, кој беше прогласен за најдобар играч од средниот ред во Серија А за изминатата сезона. Аргентинскиот талент постигна 12 гола и имаше 7 асистенции на 35 натпревари во италијанската елита, водејќи го тимот на Сеск Фабрегас до историско прво учество во Лигата на шампионите.
Токму Реал Мадрид е претходниот клуб на 21-годишниот играч, а оттаму имаат две опции да го вратат по поволна цена: за 9 милиони евра сега или за 10 милиони следната година. Пред неколку дена, Ди Марцио објави дека самиот Паз сака да помине трета сезона по ред со дресот на Комо.
