Роберт Левандовски, кој ја напушти Барселона, добил исклучителна понуда од 20 милиони евра плата по сезона од Фенербахче, тврди полскиот новинар Томаш Вуодарчик. Таа дошла од Хакан Сафи, кој е еден од двајцата кандидати за претседател на турскиот гигант.
На крајот од неделата има гласање за нов претседател на Фенербахче, а Сафи се натпреварува со Азиз Јилдирим. Двајцата ветуваат привлекување на светски позната ѕвезда, а Левандовски е адут во кампањата на Сафи.
Самиот голгетер станува слободен агент, бидејќи му истекува договорот со Каталонците.
Лева, кој ќе наполни 38 години во август, тврди дека сè уште не знае каде ќе ја продолжи кариерата. За него има интерес и од САД, пред сите од Чикаго Фаер.
Во меѓувреме, има информации дека Фенербахче веќе потпишал уште еден централен напаѓач во лицето на Ведат Муричи од Мајорка.
