Голманот на Баерн Минхен, Мануел Нојер, го коментираше поразот од 4-5 од Пари Сен Жермен во првиот натпревар од полуфиналето на Лигата на шампионите.
„Да, овој резултат е како пораз од 0-1. Се случија многу работи. Многу драма. Можеме да играме многу подобро во одбраната. Да се примат пет гола не е доволно добро за одбраната и за голманот. Тоа е апсолутно јасно. Но, нема да ги закопаме главите во песок и ќе гледаме напред“, рече капитенот.
Интересно е што домаќините ги реализираа сите пет удари кон голот.
„Да се примат пет гола, а да не се одбрани ниту еден? Да, тешко е. Ги видовте головите. Тешко беше да се стигне до топката. Бев блиску до два од ударите. Понекогаш едноставно немаме среќа. Во секој случај, стрелците се играчи од светска класа. Можеби следната недела дома ќе биде поинаку“, рече 40-годишниот Нојер по натпреварот.
Нојер прими пет гола во еден натпревар по петти пат во својата кариера. Реваншот од полуфиналето ќе се одржи во Минхен на 6 мај.
