Додека Рио Фердинанд беше задолжен за одбраната на Манчестер Јунајтед, ривалите не „шетаа“ низ одбраната на најголемиот англиски фудбалски тим, но тие времиња се далечно минато. Неговите „Црвени ѓаволи“ сега се лесен плен за многу островски и европски тимови.
Така, во претходното коло од Лигата на шампионите, италијанскиот клуб Комо го „учеше“ тимот на Мајкл Карик што е фудбал, што буквално го разбесни пословично многу отворениот, директен и остар Фердинанд и по натпреварот жестоко плукаше кон сегашниот тим.
„Комо на Цеск Фабрегас нè направи да изгледаме како тим кој добил на лотарија за учество во Лигата на шампионите. Понекогаш се чинеше како Комо да има 12 играчи на теренот. Бевме беззаби во нападот. Немавме офанзивна сила во тимот. Бевме неспособни да го притиснеме Комо. Немавме план во однос на поседот“, напиша Фердинанд на Твитер.
„Голема чест за Сеск за начинот на кој го изгради овој тим, а потоа гледате како ги всади своите идеи во овој тим. Секој си ја знае својата работа и е исклучително фокусиран и со и без топка. Ја додаваат топката на соиграчите кои се под притисок – одличен пример за меѓусебна доверба.“
Мајсторот за чување на противничките напаѓачи и елиминирање на опасноста за својот голман не застана тука.
„Но, тоа не е изговор за нас. Бевме лоши вечерва и изгледаме како тим без никаква самодоверба во моментов – треба многу да се направи за да се сврти ова… И не ни почнувам за повредите! Разликата во буџетите дефинитивно не се претвори во разликата помеѓу двата тима на теренот. Нико Паз – одличен фудбалер, патем“, рече Рио Фердинанд.
