Фудбалерите на Манчестер Сити го победија домашниот тим Челси со 3:0 денес во Лондон, во натпреварот од 32-то коло од Премиер лигата и ја намалија разликата во однос на лидерот Арсенал на шест бода.
Сити поведе во 51-та минута кога стрелец беше Нико О’Рајли, а шест минути подоцна Марк Геј го удвои водството.
Конечниот резултат го постави Џереми Доку во 68-та минута.
Сити ја заврши серијата од два нерешени резултати и по 19-та победа е втор на табелата со 64 бода, шест бода помалку и натпревар помалку од првопласираниот Арсенал.
Челси го претрпе третиот последователен пораз, или четврти во последните пет натпревари и има 48 бода на шестото место на табелата.
Во следното коло, Сити ќе го пречека Арсенал на 19 април, а Челси ќе биде домаќин на Манчестер Јунајтед еден ден претходно.
