Кандидатот за нов претседател на Реал Мадрид, Енрике Рикелме, ги разбранува духовите откако објави дека Ерлинг Холанд ќе игра и за „белите“ ако победи на изборите. Тој го направи ова синоќа во интервју во пресрет на гласањето следната недела (7 јуни), во кое негов ривал ќе биде Флорентино Перез.
Сепак, се покажа дека никој во седиштето на Халанд не слушнал за нешто слично, а освен клубот на напаѓачот – Манчестер Сити, му се заканија на Рикелме со судска постапка.
Први што реагираа по „објавувањето“ на кандидатот беа таткото на Ерлинг – Алфи Халанд, како и неговиот агент Рафаела Пимента. Тие објавија кратка порака во раните утрински часови, во која се вели: „Сето тоа е многу смешно, но не е вистина. Им посакуваме на двајцата кандидати од Мадрид се најдобро“.
Подоцна следеше одговор од „Етихад“, во кој се закануваат со судска постапка.
„Информациите што се појавија во Шпанија во врска со иднината на Ерлинг Халанд не се точни. Нема можност ова (трансферот – н.з.) да се случи и нема договорна клаузула што го дозволува тоа. Размислуваме да преземеме правни мерки за користење на сликата на нашиот играч во овој контекст“, изјавија од Сити за „Атлетик“.
Интересно е што во вторникот, Енрике Рикелме објави дека доколку изборите бидат успешни, ќе доведе уште еден играч на „граѓаните“ во Реал Мадрид – Родри, но во неговиот случај немаше реакција од англискиот клуб.
