Француските репрезентативци Килијан Мбапе, Аурелиен Чуамени и новото засилување на Реал Мадрид, Ибрахима Конате, се трудат максимално да го убедат својот соиграч во „петлите“, Мајкл Олисе, да изврши притисок врз раководството на Баерн Минхен да го пушти на „Сантијаго Бернабеу“.
Токму поранешниот играч на Кристал Палас, кој остави одличен впечаток во последните две сезони со германскиот гигант, е меѓу главните трансфер цели за ова лето на „лос Бланкос“, иако Шпанците дури и излегоа со официјален став, негирајќи ги тие шпекулации.
Пред неколку недели, во локалниот печат се појавија тврдења дека Мадрид е подготвен да понуди до 150 милиони евра за играчот, но луѓето во Баерн ги дочекаа со цврсто одбивање. Според медиуми, самиот Олисе е, исто така, решен да побара состанок со шефовите на германскиот гигант, каде што ќе можат да разговараат за ситуацијата и самиот тој лично да каже дека сака да се пресели во Реал, но барем засега нема намера да врши притисок ако не наиде на разбирање.
Таква средба ќе се одржи по Светското првенство, бидејќи играчот не сака да биде расеан од такви работи во моментов.
Франција е во полуфиналето на Светското првенство 2026, каде што ќе се сретне со Шпанија во вторник навечер во 21:00 часот по наше време.
