Во натпреварот од 36-то коло од шпанската Ла Лига, Реал Мадрид лесно го победи Овиедо со 2:0 на домашен терен, а натпреварот беше обележан со гласни исвиркувања од домашните навивачи упатени кон Килијан Мбапе.
Беше натпревар без притисок на резултатот, бидејќи „кралевите“ веќе се сигурни на второто место, додека Овиедо со овој пораз се збогуваше со елитниот ранг на натпреварувањето.
Реал поведе кон крајот на првото полувреме во 44-тата минута, со голот на Гонзало Гарсија, а конечниот резултат го постави Џуд Белингам во 80-тата минута.
🚨🚨 MBAPPÉ 🇫🇷 SE FAIT HUER PAR TOUT LE BERNABEU !!!! 😳 pic.twitter.com/XEDNAl5ODk
— Actu Foot (@ActuFoot_) May 14, 2026
Сепак, главниот настан на вечерта на „Сантијаго Бернабеу“ беше враќањето на Килијан Мбапе. Францускиот напаѓач играше за прв пат по повредата што го мачеше од крајот на април, но неговото враќање не помина како што замислуваше.
За прв пат откако дојде во клубот, тој беше исвиркан од сопствените навивачи. Незадоволството на публиката се слушна за време на загревањето, потоа кога влезе во игра во 68-та минута, па дури и секој пат кога ја допираше топката.
🚨🤷🏾♂️ Kylian Mbappé: “What hurts me is that people think I don’t want to play. It’s not the case”.
“At the beginning they said I was playing too much, I had to rest… now they say I don’t want to play”.
“What’s the sense?”. pic.twitter.com/w7SCj3ZDcG
— Fabrizio Romano (@FabrizioRomano) May 15, 2026
Навивачите го обвинија Мбапе за мрзеливиот пристап, припишувајќи го тоа на неговиот недостаток на желба да игра за Реал, додека во исто време, кога не игра, е „фатен“ јавно како се забавува на други начини.
„Она што ме боли е што луѓето мислат дека не сакам да играм. Тоа не е вистина. На почетокот велеа дека играм премногу, дека треба да се одморам… сега велат дека не сакам да играм. Која е поентата?“, рече Мбапе по натпреварот, додавајќи:
🚨 Mbappé on whistles and boos from Real Madrid fans: “It’s an opinion. No one will die tonight”.
“It’s normal… you don’t win and the fans criticize you, it happens at every club. If you don’t win, people can boo”. pic.twitter.com/C8sSnIV6jb
— Fabrizio Romano (@FabrizioRomano) May 15, 2026
„Тоа е само мислење. Никој нема да умре вечерва. Нормално е… не победуваш и навивачите те критикуваат, тоа се случува во секој клуб. Ако не победиш, луѓето можат да те исвиркуваат.“
Мбапе одигра 42 натпревари во сите натпреварувања за Реал оваа сезона, постигнувајќи 41 гол и седум асистенции.
