Рома го отвори второто коло од Серија А на ист начин како и во првото коло – со победа од 4:0. Овој пат, „волчицата“ славеше убедливо на гостувањето против Лече.
Мален, новото засилување на Римјаните, повторно беше во центарот на вниманието. По „хет-трикот“ во првото коло, Холанѓанецот постигна уште два гола против Лече и стигна до пет гола по само два натпревари.
Мален ја затресе мрежата во четвртата минута, кога налета на топката во шеснаесетникот и со прецизен удар го погоди долниот лев агол.
Само 19 минути подоцна, тој повторно беше на вистинското место. По додавањето од Франк во шеснаесетникот, Мален повторно го погоди долниот лев агол за 2:0.
Рома дополнително го зголеми водството во 25-тата минута. Соле го искористи одбиениот удар и ja испрати топката ниско во десната статива за 3:0.
Потоа Лече се обиде да се врати во натпреварот, а Кулибали по корнер ја погоди левата статива.
Казната стигна во следниот напад. Манчини го пронајде Мора, кој постигна гол од непосредна близина за конечни 4:0.
