Премиер лигата следната сезона веќе ќе има пет клуба во Лигата на шампионите, но постои и сценарио во кое Англија би можела да има дури седум претставници.
Сè зависи од исходот на европските натпреварувања и конечниот пласман во првенството. Откако Англија обезбеди дополнително место во Лигата на шампионите благодарение на коефициентот на УЕФА, се отвори можноста за уште поголем преседан.
За Премиер лигата да има дури седум клуба во елитното натпреварување, мора да се исполнат неколку клучни услови.
Првото сценарио го вклучува Ливерпул. Доколку „cрвените“ ја освојат Лигата на шампионите, но ја завршат сезоната во Премиер лигата надвор од првите четири, тие автоматски би се квалификувале за Лигата на шампионите како бранители на титулата, без оглед на нивната позиција во првенството.
Вториот услов се однесува на Лигата на Европа. Доколку Астон Вила или Нотингем Форест го освојат тоа натпреварување, но исто така не завршат меѓу првите четири во Премиер лигата, тие би се квалификувале и за Лигата на шампионите.
Во такво сценарио, Англија би имала дури седум клуба во Лигата на шампионите; пет преку лигата и дополнителни два преку европските трофеи. Исто така, постои интересно средно сценарио. Доколку Ливерпул или Астон Вила ја освојат Лигата на шампионите или Лигата на Европа и ја завршат сезоната на петтото место, тогаш шестопласираниот тим од Премиер лигата би добил и место во Лигата на шампионите.
Таквото сценарио дополнително ја зголемува тензијата во завршната фаза од сезоната, бидејќи борбата за местата што водат во Европа се шири на уште поголем број клубови.
Премиер лигата, на тој начин, влегува во завршната фаза со неверојатен влог; не само борејќи се за титулата, туку и за историскиот број места во најелитното клупско натпреварување.
To enter 7⃣ teams into 🔵 UCL next season, 🏴 England needs:
▪️🏴 Liverpool to win 🔵 UCL and finish outside Top 4 in EPL
▪️🏴 Aston Villa or 🏴 Nottingham Forest to win 🟠 UEL and finish outside Top 4 in EPL6th-placed team in 🏴 EPL will go to 🔵 UCL if Liverpool or Aston… pic.twitter.com/xHFVvUiv8X
— Football Meets Data (@fmeetsdata) April 8, 2026
