Ривалството меѓу кошаркарските клубови Панатинаикос и Олимпијакос ги надминува границите на обичното спортско натпреварување и се смета за едно од најжестоките, најстрасните, но честопати и најтоксичните ривалства во светот на спортот воопшто.
Овој судир во Грција со право се нарекува „Дерби на вечните непријатели“.
Најновиот доказ за ова доаѓа неколку дена по финалето на Евролигата, кое се играше во салата ОАКА во Атина, домашен терен на Панатинаикос. Гореспоменатото финале го играа Реал Мадрид и Олимпијакос, најголемиот ривал на Панатинаикос.
На крајот, кошаркарите на Олимпијакос славеа и станаа европски шампиони по четврти пат.
Патаинаикос денес покажа дека омразата е на друго ниво, ангажирајќи компанија за дезинфекција на трибините на Центарот ОАКА.
„Постапката за дезинфекција и длабинско чистење на просториите и трибините на Центарот ОАКА (Т-Центар) е завршена, така што тие се подготвени повторно да ги пречекаат навивачите на Панатинаикос“, изјавија тие.
Тие со право велат дека натпреварите меѓу Панатинаикос и Олимпијакос не се само кошарка, туку вистинска војна за превласт во Атина. Најновото соопштение го покажува ова.
