Њујорк Никс поведоа со 2-0 во финалето на НБА, откако ги победија Сан Антонио Спарс со 105:104 во вториот натпревар и направија голем чекор кон шампионскиот прстен.
Карл-Ентони Таунс го предводеше победничкиот тим со 21 поен, додека Џејлен Брансон и Микал Бриџис додадоа по 20 поени.
Од другата страна, Виктор Вембањама беше одличен со 29 поени, додека Фокс постигна 20.
Никс го контролираа резултатот во поголемиот дел од натпреварот и се чинеше дека постојано се движат кон својата втора победа на гостински терен.
Тимот од Њујорк успеа да го одржи водството благодарение на добрата организација во нападот и цврстата одбрана, а во неколку наврати имаше и двоцифрена разлика.
Сепак, Спарс не се предадоа. Предводени од фантастичниот Виктор Вембањама, успеаја да се вратат во натпреварот и да го доведат до драматична завршница.
Како што се приближуваше крајот на натпреварот, домашниот тим ја намали разликата и стигна до израмнување, па на семафорот во последната минута беше 104:104.
Потоа дојде моментот на одлука. Сан Антонио имаше напад за водство или последниот шут, но на 12 секунди до крајот, Вембањама направи фатална грешка и ја загуби топката.
Никси веднаш го зедоа подарокот од своите ривали, постигнаа кош од слободни, а потоа Вембањама го промаши победничкиот шут и тимот од Њујорк оствари голема победа.
WEMBY JUST THREW THE GAME AWAY 😭 pic.twitter.com/FWWzCYFHZM
— BrickCenter (@BrickCenter_) June 6, 2026
Најдобар стрелец во победничкиот тим беше Карл-Ентони Таунс со 21 поен, додека Џејлен Брансон и Микал Бриџис додадоа по 20 поени.
Од другата страна, Виктор Вембањама беше одличен со 29 поени, додека Де’Арон Фокс постигна 20.
Така, Њујорк го постигна она за што дојде во Тексас – два брејка и максимално водство во серијата.
Сега финалето се сели во Медисон Сквер Гарден, каде што Никс ќе имаат можност да направат уште два чекори кон својата прва НБА титула по повеќе од половина век пред своите навивачи.
