Василис Спанулис би можел да се врати во Евролигата доколку Барселона го изгуби Чави Пасквал. Веќе неколку дена се појавуваат информации дека Дубаи „запнал“ во доведувањето на шпанскиот стручњак, а преговорите наводно се во напредна фаза и доколку нема поголеми изненадувања, искусниот стратег ќе се пресели во ОАЕ.
Затоа Барселона веќе почна да бара негова замена, а според добро информираниот „Encestando“, Василис Спанулис е на врвот на листата за наследник на Пасквaл.
Заедно со грчкиот стручњак, високо е оценет и Ибон Наваро, кој веќе се поврзуваше со Барселона, но целиот договор зависи од заминувањето на Пасквaл.
Спанулис го предводеше Монако до финалето на Евролигата минатата сезона, каде што беа поразени од Фенербахче, а оваа година гo напушти Кнежеството поради нивната ужасна финансиска состојба.
