Барселона потврди дека офанзивниот играч од средниот ред Фермин Лопез има фрактура на петтата метатарзална коска на десното стапало, што ќе бара операција.
Тој ја претрпе повредата за време на синоќешната победа од 3-1 над Бетис. Фермин беше принудно заменет на полувремето од Алехандро Балде.
Фермин не само што ќе го пропушти последниот натпревар на Барса во сезоната (гостин кај Валенсија), туку е и сериозно под знак прашалник за Светското првенство во 2026 година.
MEDICAL REPORT 🚨
The first team player Fermín López suffered a fracture to the fifth metatarsal bone in his right foot in the game against Betis. The player will undergo surgery. pic.twitter.com/fit9sq5HRm
— FC Barcelona (@FCBarcelona) May 18, 2026
Шпанскиот репрезентативец, кој има седум настапи за својата земја, беше меѓу кандидатите за место во конечниот состав на Луис де ла Фуенте, но според „Мундо Депортиво“, тој ќе биде надвор од турнирот најмалку два месеци.
Фермин имаше извонредна сезона за Барселона, во која постигна 13 гола и имаше 17 асистенции во 48 натпревари.
