Во изминативе недели, приказната во српските медиуми за враќањето на Богдан Богдановиќ во Партизан добива на интезитет. По натпреварот од НБА помеѓу Лос Анџелес Клиперс и Милвоки, српскиот интернационалец одговори на прашање што ги интересира сите навивачи на „црно-белиот“ тим.
– Следам, знам колку и вие (одговора на прашање на новинар на РТС – н.з.). Го гледам тоа и во медиумите. Убаво е да се видат тие слики, но… Што, дали сега треба да донесам одлука? Не разбирам. Имам уште седум натпревари тука, имам плејоф, па главата ми е тука. Не размислувам што ќе се случи следната година или следниот месец – изјави Богдановиќ за РТС по натпреварот со Лос Анџелес Клиперс.
Ситуацијата во Клиперс е исто така нејасна.
– Тука сум, подготвен сум, работам, тренирам. Што е, е, сезоната е таква каква што е. Се обидувам да бидам во најдобра можна форма кога ќе започнат плејоф натпреварите, додаде српскиот репрезентативец.
