Шампионот МЗТ Скопје Аеродром оствари убедлив триумф со 87:58 (37:37) против Пелистер и ја затвори серијата од полуфиналето на „МТЕЛ“ Супер лигата со 2-1.
По израмнетото прво полувреме, кошаркарите на МЗТ експлодираа во третиот период во кој направија серија од 29-5, креираа голема предност, доволно за пласман во уште една финална серија.
Во одбрана на трофејот за противник ќе го имаат дебитантот Маџари, кој синоќа направи сензација против ТФТ. Аеродромци ќе ја имаат предноста на домашниот терен.
Ако двете екипи дадат согласност финалната серија ќе стартува веќе овој викенд, на истото место во СЦ „Јане Сандански“, каде би се играле првите два натпревари од серијата „подобар во пет натпревари“.
Петков постигна 23 поени, седум додавања и три скока, следен од Танасковиќ со 20поени и седум скока, а МекКејден дојде од „дабл-дабл“ од 14 поени и 12 скока (плус пет асистенции).
Кај Пелистер, Дејвис постигна 12 поени, а Вилсон додаде уште 10.
